രാജ്യത്ത് ക്രൈസ്തവര്‍ക്കെതിരായ അതിക്രമങ്ങള്‍: 2024-ല്‍ 840-ല്‍ അധികം സംഭവങ്ങള്‍ റിപ്പോര്‍ട്ടു ചെയ്തു

രാജ്യത്ത് ക്രൈസ്തവര്‍ക്കെതിരായ അതിക്രമങ്ങള്‍: 2024-ല്‍ 840-ല്‍ അധികം സംഭവങ്ങള്‍ റിപ്പോര്‍ട്ടു ചെയ്തു

2024-ല്‍ ഇന്ത്യയിലുടനീളം ക്രിസ്ത്യാനികള്‍ക്കെതിരായ അക്രമത്തിലും വിവേചനത്തിലും ഉണ്ടായ അഭൂതപൂര്‍വ്വമായ വര്‍ദ്ധനവ് രേഖപ്പെടുത്തുന്ന ഇവാഞ്ചലിക്കല്‍ ഫെലോഷിപ്പ് ഓഫ് ഇന്ത്യയുടെ മതസ്വാതന്ത്ര്യ കമ്മീഷന്‍ (ഇഎഫ്ഐആര്‍ എല്‍സി) വാര്‍ഷിക റിപ്പോര്‍ട്ട് പുറത്തുവിട്ടു.

840-ല്‍ സഅധികം സംഭവങ്ങള്‍ റിപ്പോര്‍ട്ട് ചെയ്യപ്പെട്ടപ്പോള്‍ കമ്മീഷന്‍ 640 കേസുകള്‍ പരിശോധിക്കാനും കഴിഞ്ഞു. 2023-ലെ 601 കേസുകളില്‍ നിന്ന് ഗണ്യമായ വര്‍ദ്ധനവും 2014-ല്‍ ഒരു ദശാബ്ദം മുമ്പ് രേഖപ്പെടുത്തിയ 147 സംഭവങ്ങളുടെ നാലിരട്ടിയോളം വര്‍ദ്ധനവും ഇത് പ്രതിഫലിപ്പിക്കുന്നു.

ഇന്ത്യയില്‍ ക്രിസ്ത്യാനികള്‍ക്കെതിരായ പീഢനത്തിന്റെ വ്യാപ്തിയും തീവ്രതയും പ്രതിസന്ധിഘട്ടത്തിലെത്തിക്കഴിഞ്ഞു. ഇഎഫ്ഐ ജനറല്‍ സെക്രട്ടറി റവ. വിജയേഷ് ലാല്‍ പറഞ്ഞു. ശരാശരി നാലോ അഞ്ചോ പള്ളികളും പാസ്റ്റര്‍മാരും ദിവസവും ആക്രമണങ്ങള്‍ നേരിടുന്നു.

എല്ലാ ഞായറാഴ്ചയും സംഭവങ്ങള്‍ ഇരട്ടിയാകുന്നു. ഏറ്റവും കൂടുതല്‍ ആക്രമണങ്ങള്‍ നടക്കുന്ന സംസ്ഥാനങ്ങള്‍ ഉത്തര്‍പ്രദേശ് 188 സംഭവങ്ങള്‍, ഛത്തീസ്ഗഢ് (40), പഞ്ചാബ് (38), ഹരിയാന (34) എന്നിവയാണെന്ന് റിപ്പോര്‍ട്ട് സൂചിപ്പിക്കുന്നു.

പഞ്ചാബും രാജസ്ഥാനും മതപരമായ പീഢനത്തിന്റെ പുതിയ തന്ത്രങ്ങളുമായി ഉയര്‍ന്നുവന്നിട്ടുണ്ട് എന്നത് ശ്രദ്ധേയമാണ്. പാസ്റ്റര്‍മാര്‍ക്കും വിശ്വാസികള്‍ക്കും നേരെയുള്ള ശാരീരിക ആക്രമണങ്ങള്‍, പ്രാര്‍ത്ഥനാ യോഗങ്ങളും പള്ളിയിലെ ശുശ്രൂഷകളും തടസ്സപ്പെടുത്തുക.

പള്ളി സ്വത്തുക്കളും തടസ്സപ്പെട്ടു. സാമൂഹിക ബഹിഷ്ക്കരണങ്ങളും സമഹ വിഭവങ്ങളുടെ നിഷേധവും മതപരിവര്‍ത്തന നിരോധന നിയമപ്രകാരമുള്ള സ്വേച്ഛാധിപത്യ അറസ്റ്റുകള്‍, സാമ്പത്തിക പരാധീനതയും നിര്‍ബന്ധിത നാടുകടത്തലും എന്നിങ്ങനെയാണ് പീഢനങ്ങളെന്ന് റിപ്പോര്‍ട്ടില്‍ പറയുന്നു.