ഹിറ്റ്ലറുടെ ജന്മഗൃഹം ഇനി പോലീസ് സ്റ്റേഷന്‍
വിയന്നാ: ലോകം കണ്ട ഏറ്റവും വലിയ ക്രൂര സ്വേച്ഛാധിപതിയായിരുന്ന അഡോള്‍ഫ് ഹിറ്റ്ലര്‍ ജനിച്ച ഓസ്ട്രിയായിലെ ബ്രൌനു ആം ഇന്‍ പട്ടണത്തിലെ ജന്മ വീട് പോലീസ് സ്റ്റേഷനാക്കി മാറ്റി.
നവ നാസി അനുഭാവികള്‍ ഈ കെട്ടിടത്തെ തീര്‍ത്ഥാടന കേന്ദ്രമാക്കി ഉപയോഗിക്കുന്ന പ്രവണത അവസാനിപ്പിക്കുക എന്ന ലക്ഷ്യത്തോടെയാണ് സര്‍ക്കാര്‍ ഈ തീരുമാനം നടപ്പിലാക്കിയത്.
ജര്‍മ്മന്‍ അതിര്‍ത്തിയോട് ചേര്‍ന്നുള്ള ഈ നഗരത്തില്‍ ബുധനാഴ്ച പുതിയ പോലീസ് സ്റ്റേഷന്‍ ഔദ്യോഗിക പ്രവര്‍ത്തനം തടുടങ്ങി.
ജില്ലാ പോലീസ് ആസ്ഥാനവും പ്രാദേശിക പോലീസ് വിഭാഗവും ഈ കെട്ടിടത്തിലാണ് ഇനി പ്രവര്‍ത്തിക്കുക.
2017-ല്‍ ദീര്‍ഘകാല നിയമ പോരാട്ടത്തിനൊടുവില്‍ സര്‍ക്കാര്‍ ഈ കെട്ടിടം ഏറ്റെടുത്തിരുന്നു. 2019-ലാണ് ഇത് പോലീസ് സ്റ്റേഷനാക്കി മാറ്റാനുള്ള നടപടി തുടങ്ങിയത്.
ജര്‍മ്മനിയുടെ അധിപനായിരുന്ന നാസി നേതാവായിരുന്ന ഹിറ്റ്ലര്‍ 65 ലക്ഷം യഹൂദരെയാണ് കൂട്ടക്കൊല ചെയ്തത്.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ