മുട്ടയേക്കാള്‍ പ്രോട്ടീന്‍ ഗുണങ്ങള്‍ ലഭിക്കുന്ന പച്ചക്കറികള്‍

മുട്ടയേക്കാള്‍ പ്രോട്ടീന്‍ ഗുണങ്ങള്‍ ലഭിക്കുന്ന പച്ചക്കറികള്‍
മുട്ട പ്രൊട്ടീനിന്റെ ഏറ്റവും മികച്ച ഉറവിടങ്ങളില്‍ ഒന്നാണ്. എന്നാല്‍ മുട്ടയേക്കാള്‍ അധികം പ്രൊട്ടീന്‍ ഗുണങ്ങള്‍ അടങ്ങിയ പച്ചക്കറികള്‍ ഉണ്ടെന്നാണ് വിദഗ്ദ്ധര്‍ പറയുന്നത്. ദഹനം, മെറ്റബോളിസം, പ്രതിരോധം എന്നിവ വര്‍ദ്ധിപ്പിക്കുന്നതിനും പ്രോട്ടീന്‍ സഹായകരമാണ്.

പയര്‍: ഒരു കപ്പ് വേവിച്ച പയറില്‍ ഏകദേശം 5 ഗ്രാം പ്രോട്ടീന്‍ അടങ്ങിയിട്ടുണ്ട്. ഒരു മുട്ടയേക്കാള്‍ കൂടുതലാണിത്. 100 ഗ്രാം പയറില്‍ 5 ഗ്രാം പ്രോട്ടീനുണ്ട്.

ചീര: പോഷകങ്ങളുടെ കലവറയും പ്രോട്ടീനിന്റെ മികച്ച ഉറവിടവുമാണ് ചീര. ഒരു കപ്പ് വേവിച്ച ചീരയില്‍ ഏകദേശം 5.4 ഗ്രാം പ്രോട്ടീനുണ്ട്. 100 ഗ്രാമില്‍ ഏകദേശം 2.9 ഗ്രാം പ്രോട്ടീനുണ്ട്.

കൂണുകള്‍: അസംസ്കൃത കൂണുകളില്‍ 100 ഗ്രാമിന് ഏകദേശം 3.1 ഗ്രാം പ്രോട്ടീന്‍ അടങ്ങിയിട്ടുണ്ടെങ്കിലും വേവിച്ച കൂണുകളില്‍നിന്ന് ഏകദേശം 5.7 ഗ്രാം പ്രോട്ടീന്‍ ലഭിക്കും.

മുരിങ്ങയിലയും മുരിങ്ങക്കായും: മുരിങ്ങയിലയിലും മുരിങ്ങക്കായിലും ധാരാളം പ്രോട്ടീന്‍ അടങ്ങിയിട്ടുണ്ട്. 100 ഗ്രാമില്‍ ഏകദേശം 9 ഗ്രാം പ്രോട്ടീന്‍ മുരിങ്ങയിലയില്‍ അടങ്ങിയിട്ടുണ്ട്. ഇത് സസ്യാധിഷ്ഠിത പ്രോട്ടീന്‍ ശ്രോതസ്സുകളില്‍ മികച്ച ഒന്നാണ്.

ബ്രോക്കോളി: ഉയര്‍ന്ന നാരുകളാലും വൈറ്റമിനുകളാലും സമ്പുഷ്ടമാണ് ബ്രോക്കോളി. 100 ഗ്രാമില്‍ ഏകദേശം 2.8 ഗ്രാം പ്രോട്ടീന്‍ അടങ്ങിയിട്ടുണ്ട്. ഒരു കപ്പ് അരിഞ്ഞതും വേവിച്ചതുമായ ബ്രോക്കോളിയില്‍ ഏകദേശം 5.7 ഗ്രാം പ്രോട്ടീന്‍ ലഭിക്കും.