കുട്ടികളിലെ സോഷ്യല്‍ മീഡിയ ആസക്തി പഠിക്കാന്‍ സര്‍ക്കാര്‍ വിദഗ്ദ്ധ സമിതിയെ നിയോഗിക്കുന്നു
തിരുവനന്തപുരം: കുട്ടികള്‍ക്കിടിയില്‍ വര്‍ദ്ധിച്ചു വരുന്ന സോഷ്യല്‍ മീഡിയ ആസക്തിയെക്കുറിച്ച് പഠിക്കാന്‍ വിദഗ്ദ്ധ സമിതിയെ നിയോഗിക്കാന്‍ പൊതു വിദ്യാഭ്യാസ വകുപ്പ് തീരുമാനിച്ചു.
തീരുമാനം പൊതു വിദ്യാഭ്യാസ സെക്രട്ടറി അദ്ധ്യക്ഷയായ സമിതിയില്‍ പ്രഗത്ഭരായ വിദഗ്ദ്ധര്‍ അംഗങ്ങളാകും. സമിതിയില്‍ ആരൊക്കെ ഉള്‍പ്പെട്ടിട്ടുണ്ടെന്ന കാര്യത്തില്‍ ഉടന്‍ തീരുമാനമാകും.
കുട്ടികള്‍ക്കിടിയില്‍ വിവേകപൂര്‍ണ്ണമായ ഇന്റര്‍നെറ്റ് ഉപയോഗം എങ്ങനെ സാദ്ധ്യമാക്കാം എന്നതിനെക്കുറിച്ച് സമിതി വിശദമായി പഠിക്കും.
മൂന്നു മാസത്തിനകം പഠനം പൂര്‍ത്തിയാക്കി റിപ്പോര്‍ട്ട് സമര്‍പ്പിക്കണമെന്നാണ് നിര്‍ദ്ദേശം.
വിദ്യാഭ്യാസ മന്ത്രി വി. ശിവന്‍കുട്ടിയുടെ അദ്ധ്യക്ഷതയില്‍ കൂടിയ എസ് സി ഇ ആര്‍ ടി കരിക്കുലം സ്റ്റീയറിംഗ് കമ്മറ്റി യോഗത്തിലാണ് തീരുമാനം.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ