അന്തരീക്ഷത്തില്‍ മീഥെയ്ന്‍ വര്‍ദ്ധിക്കുന്നതായി പഠനം
അന്തരീക്ഷത്തിലെ മീഥെയ്ന്‍ അളവ് വര്‍ദ്ധിച്ചതായി പഠനം. കോവിഡ് കാലത്ത് വാഹനങ്ങളും വ്യവസായങ്ങളും കുറഞ്ഞതോടെ വായു മലിനീകരണവും നൈട്രജന്‍ ഓക്സൈഡിന്റെ പുറന്തള്ളലും കുറഞ്ഞിരുന്നു.
അതേസമയം മീഥെയ്ന്‍ ക്രമീകരിക്കുന്ന പ്രകൃതിദത്ത ക്ളീനിങ് ഏജന്‍സിയായ ഹൈഡ്രോക്സില്‍ റാഡിക്കലുകളുടെ അളവും കുറച്ചു. തല്‍ഫലമായി മീഥെയ്ന്‍ അളവ് കൂടുകയാണുണ്ടായത്.
2020-21 കാലത്തെ മീഥെയ്ന്‍ വര്‍ദ്ധനയുടെ ശതമാനവും ഈ ക്ളീനിങ് ഏജന്റിന്റെ കുറവ് മൂലമാണ് സംഭവിച്ചതെന്ന് നേച്ചര്‍ ജേണലില്‍ പ്രസിദ്ധീകരിച്ച പഠനം വ്യക്തമാക്കുന്നു.
ഭൂമധ്യരേഖ പ്രദേശത്ത് സമുദ്രോപരിതലത്തിലെ താപനില സാധാരണയേക്കാള്‍ കുറയുമ്പോഴുണ്ടാകുന്ന ലാനിന പ്രതിഭാസം മൂലം ഉഷ്ണമേഖലാ പ്രദേശത്തുണ്ടാകുന്ന കനത്ത മഴയും ഈര്‍പ്പവും ചതുപ്പുകളില്‍നിന്നും കൃഷിയിടങ്ങളില്‍നിന്നുമുള്ള മീഥെയ്ന്‍ പുറന്തള്ളല്‍ വര്‍ദ്ധിച്ചു.
കാര്‍ബണ്‍ഡയോക്സൈഡിനേക്കാള്‍ 80 മടങ്ങ് കൂടുതല്‍ ചൂട് അന്തരീക്ഷത്തില്‍ നിലനിര്‍ത്താന്‍ ശേഷിയുള്ള വാതകമാണ് മീഥെയ്ന്‍.
വായനക്കാരുടെ അഭിപ്രായങ്ങൾ (0)
ഇതുവരെ അഭിപ്രായങ്ങൾ രേഖപ്പെടുത്തിയിട്ടില്ല. നിങ്ങളുടെ അഭിപ്രായം ആദ്യമായി രേഖപ്പെടുത്തൂ!
നിങ്ങളുടെ അഭിപ്രായം പങ്കുവെക്കൂ