ചാവുകടല്‍ ചുരുളുകള്‍ മുമ്പു വിശ്വസിച്ചിരുന്നതിനേക്കാള്‍ പഴക്കമുള്ളതാണെന്ന് സൂചന നല്‍കി എഐ

ചാവുകടല്‍ ചുരുളുകള്‍ മുമ്പു വിശ്വസിച്ചിരുന്നതിനേക്കാള്‍ പഴക്കമുള്ളതാണെന്ന് സൂചന നല്‍കി എഐ

നിര്‍മ്മിത ബുദ്ധി ഉപയോഗിച്ചുള്ള ഒരു പുതിയ പഠനം ചില ചാവുകടല്‍ ചുരുളുകളുടെയും കാലഗണന ഗണ്യമായി മുമ്പുള്ള കാലഘട്ടങ്ങളിലേക്ക് പുനക്രമീകരിക്കുന്നു.

പുരാതന യഹൂദ മതത്തെക്കുറിച്ചുള്ള ദീര്‍ഘകാല വീക്ഷണങ്ങളെയും എബ്രായ ലിപിയുടെ വികാസത്തെയും ആദ്യകാല ക്രിസ്തുമതത്തിന്റെ വേരുകളെയും വെല്ലുവിളിക്കുന്നു. പ്ളോസ് വണ്‍ ജോണലില്‍ പ്രസിദ്ധീകരിച്ച ഗവേഷണ പ്രകാരം റേഡിയോ കാര്‍ബണ്‍ ഡേറ്റിംഗും കൈയ്യക്ഷര വിശകലനവും 100-ലധികം സ്ക്രോളുകളുടെ പഴക്കം പുനര്‍നിര്‍ണ്ണയിക്കുന്നു.

ഈനോക്ക് എന്നു പേരിട്ടിരിക്കുന്ന എഐ മോഡല്‍ ഡിജിറ്റൈല്‍ ചെയ്ത ശകലങ്ങളില്‍ നിന്നുള്ള മഷി പാറ്റേണുകളും പ്രതീക രൂപങ്ങളും വിശകലനം ചെയ്യുകയും പല കേസുകളിലും പാലിയോഗ്രാഫിക് രീതികളെ അടിസ്ഥാനമാക്കിയുള്ള പരമ്പരാഗത കണക്കുകളേക്കാള്‍ പതിറ്റാണ്ടുകളോ നൂറ്റാണ്ടുകളോ പഴക്കമുള്ള തീയതി പ്രവചനങ്ങള്‍ നിര്‍മ്മിക്കുകയും ചെയ്തു.

1947 മുതല്‍ കുമ്രാനിനടുത്തുള്ള ഗുഹകളില്‍നിന്ന് കണ്ടെത്തിയ ചാവുകടല്‍ ചുരുളുകളില്‍ എബ്രായ, അരാമിക്, ഗ്രീക്ക് ഭാഷകളില്‍ എഴുതിയ ഏകദേശം 1000 കയ്യെഴുത്തു പ്രതികള്‍ ഉള്‍പ്പെടുന്നു.

അവയില്‍ പല ബൈബിള്‍ ഗ്രന്ഥങ്ങളുടെയും അറിയപ്പെടുന്ന ഏറ്റവും വലിയ പതിപ്പുകളും ഉള്‍പ്പെടുന്നു. ചുരുളുകളുടെ കാലഗണന ബിസി 250 മുതല്‍ എഡി 100 വരെയുള്ള കാലഘട്ടത്തിലായിരുന്നു.

എന്നാല്‍ ആ രീതികള്‍ ആത്മനിഷ്ഠവും കൃത്യതയില്ലാത്തതുമായിരുന്നു. റേഡിയോ കാര്‍ബണ്‍ രീതിയില്‍ സ്ഥിരീകരിച്ച 24 ചുരുളുകളില്‍ പരിശീലനം നേടിയ ഈനോക് തീയതി രേഖപ്പെടുത്തുന്നു.

135 ചുരുളുകള്‍ പരിശോധിക്കുകയും ഏകദേശം 80 ശതമാനം കൃത്യത കൈവരിക്കുകയും ചെയ്തു. ഒരു കേസില്‍ ദാനിയേല്‍ പുസ്തകത്തിന്റെ 40ന്റെ ഭാഗം ബിസി 230നും 160നും ഇടയില്‍ പഴക്കമുള്ളതായി കണ്ടെത്തി.